06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ավստրալացուն և նրա շանը փրկել են Խաղաղ օվկիանոսում, որտեղ նրանք անցկացրել են ավելի քան երեք ամիս
Քաղաքականություն
17.07.2023 | 21:38
Ավստրալացի նավաստի Թիմ Շադոքը, որը մոտ երեք ամիս անցկացրել է Խաղաղ օվկիանոսում հում ձկան և անձրևաջրերի հույսով, իրեն լավ է զգում, ասում են բժիշկները: Հուլիսի 12-ին Մեքսիկայի ափերի մոտ 51-ամյա ավստրալացուն և նրա շանը՝ Բելլային, փրկել է ձկնորսական նավը, գրում է BBC-ի ռուսական ծառայությունը։
Սիդնեյում ապրող Շադոքը ծովային ճանապարհորդության սիրահար է։ Ապրիլին նա որոշել է հաղթահարել ավելի քան 6 հազար կիլոմետր երկարությամբ ուղին՝ Մեքսիկայից Ֆրանսիական Պոլինեզիա։ Նրա փոքրիկ նավը լքել է մեքսիկական Լա Պազ նավահանգիստը, սակայն մի քանի շաբաթ անց փոթորիկը խափանել է էլեկտրոնիկայի և ռադիոկապի համակարգերը, և այդ ժամանակից նավը հոսընթացով շարժվել է օվկիանոսի ջրերում:
Դեռևս պարզ չէ, թե ինչպես են ընթացել ավստրալացու որոնումները, որքան մասշտաբային են դրանք եղել և ինչու արդյունք չեն տվել երկու ամիս շարունակ։ Հաղորդվում է միայն, որ հուլիսի 12-ին նավը նկատել է ուղղաթիռը, ինչից հետո այդ վայր է ժամանել ձկնորսական նավը։
«Ես շատ դժվար փորձության միջով եմ անցել ծովում: Հիմա ինձ միայն հանգիստ և լավ սնունդ է պետք։ Ես երկար ժամանակ թերսնվել եմ»,- ասել է Թիմ Շադոքը ավստրալական 9 News հեռուստաալիքին, որն առաջինն է հանգստյան օրերին գրել նավաստու փրկության մասին:
Տաթև Ֆռանգյան
