11.01.2025 | 13:00
Հրդեհ Նոյեմբերյան քաղաքում․ այրվել է խանութի 3 տաղավար
Բելառուս է ժամանել «Վագների» երրորդ շարասյունը
Քաղաքականություն
17.07.2023 | 16:33
«Վագներ» մասնավոր ռազմական խմբավորման վարձկանների շարասյունը, Ռուսաստանի և խմբի դրոշներով, ժամանել է Բելառուսի տարածք։ Այս մասին հայտնում է բելառուսական Hajun Project տելեգրամ-ալիքը, որին վկայակոչում է BBC-ի ռուսական ծառայությունը։
Աղբյուրի տվյալներով՝ սա հուլիսի 11-ից Բելառուս ժամանած «Վագների» արդեն երրորդ շարասյունն է։
Նշվում է, որ շարասյունը շարժվում է Օսիպովիչի և Ցել գյուղի ուղղությամբ, որտես տեղակայված է «Վագների» դաշտային ճամբարը։ Հաղորդվում է, որ շարասյունը բաղկացած է առնվազն 20 տարբեր մեքենաներից՝ ՈւԱԶ-ներ, փիքափներ, շինարարական տեխնիկա, ավտոբուսներ, բեռնատարներ։
Ավելի վաղ Բելառուսի ՊՆ-ն հայտնել էր, որ «Վագներ» մասնավոր ռազմական խմբավորման մարտիկները Բելառուսի տարածքային զորքերի ստորաբաժանումների հետ «որպես հրահանգիչներ» պարապմունքներ են անցկացնում։
Հավելենք, որ հունիսի 26-ին խմբավորման հիմնադիր Եվգենի Պրիգոժինի ապստամբությունից հետո ՌԴ նախագահ Վլադիմիր Պուտինը վագներականներին առաջարկել էր պայմանագիր կնքել ՊՆ-ի կամ այլ իրավապահ մարմինների հետ, վերադառնալ իրենց ընտանիքներ կամ մեկնել Բելառուս։ Բելառուսի առաջնորդ Ալեքսանդր Լուկաշենկոն էլ հայտարարել էր, որ նրանց առաջարկվել է տեղավորվել նախկին ռազմական ավաններում։
Էմմա Չոբանյան
