06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Միլիարդատեր Ռիչարդ Բրենսոնը դիմել է Բրիտանիայի կառավարությանը՝ Օլեգ Տինկովի դեմ պատժամիջոցները չեղարկելու կոչով
Քաղաքականություն
17.07.2023 | 18:04
Բրիտանացի հայտնի միլիարդատեր Ռիչարդ Բրենսոնը կոչ է արել Մեծ Բրիտանիայի իշխանություններին չեղարկել ռուսաստանցի գործարար Օլեգ Տինկովի նկատմամբ կիրառված պատժամիջոցները։ Այս մասին հայտնում է The Times-ը, որին վկայակոչում է Meduza-ն։
Նշվում է, որ Բրենսոնի նամակը կցվել է Տինկովի պաշտոնական բողոքին՝ ընդդեմ Մեծ Բրիտանիայի ԱԳՆ-ի պատժամիջոցների մասին որոշման։ Բրենսոնը նշում է, որ 20 տարի է՝ ճանաչում է Օլեգ Տինկովին, և նրա ներառումը պատժամիջոցների ցուցակում համարում է սխալ։ Նա Բրիտանիայի իշխանությունների որոշումն անվանում է անհիմն։
«Չնայած նա հարուստ գործարար էր, նա երբեք չի եղել օլիգարխ։ Ես միշտ նրան ճանաչել եմ որպես դինամիկ ձեռներեցի: Ուստի ես համակրում եմ նրան, սատարում և շարունակում եմ աջակցել»,- ասվում է Բրենսոնի նամակում։
Տինկովը 2023 թվականի մարտին միջնորդություն էր ներկայացրել Մեծ Բրիտանիայի ԱԳՆ՝ իրեն պատժամիջոցների ցուցակից հանելու համար։ Այդ ժամանակ նրան աջակցող դիմում էր ուղարկել գործարար Միխայիլ Խոդորկովսկին, որը բնակվում է Բրիտանիայում։ Լոնդոնը նրա նկատմամբ պատժամիջոցներ է սահմանել 2022-ի մարտի 24-ին։
Օլեգ Տինկովը հակապատերազմական դիրք է գրավում Ուկրաինա ռուսական զորքերի լայնամասշտաբ ներխուժման սկզբից ի վեր։ Նա հրաժարվել է Ռուսաստանի քաղաքացիությունից 2022 թվականի հոկտեմբերին։
Էմմա Չոբանյան
