06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
ՄԱԿ-ի ԱԽ-ն առաջին անգամ կքննարկի արհեստական բանականության զարգացման ռիսկերը
Քաղաքականություն
17.07.2023 | 13:39
ՄԱԿ-ի Անվտանգության խորհուրդն այս շաբաթ Նյու Յորքում (ԱՄՆ) առաջին անգամ պաշտոնական քննարկում կանցկացնի արհեստական բանականության վերաբերյալ։ Այս մասին հայտնել է Reuters-ը։
Համաշխարհային կառավարությունները մտածում են՝ ինչպես մեղմել արհեստական բանականության տեխնոլոգիաների ի հայտ գալուց բխող վտանգները, քանի որ վերջիններս կարող են փոխել համաշխարհային տնտեսությունը և միջազգային անվտանգության լանդշաֆտը:
Մեծ Բրիտանիան, որը նախագահում է այս ամիս ՄԱԿ-ի Անվտանգության խորհուրդը, ձգտում է գլոբալ դեր ունենալ արհեստական բանականության կարգավորման գործում: Անվտանգության խորհրդում քննարկումը վարելու է Միացյալ Թագավորության արտաքին գործերի նախարար Ջեյմս Քլևերլին։
ՄԱԿ-ի գլխավոր քարտուղար Անտոնիո Գուտերեշը պաշտպանել է արհեստական բանականության միջազգային վերահսկողություն ստեղծելու առաջարկը, ինչպիսին է Ատոմային էներգիայի միջազգային գործակալությունը (ՄԱԳԱՏԷ):
Հիշեցնենք, որ ԱՄՆ-ում փաստաբանները տուգանվել են՝ գործով ChatGPT նեյրոնային ցանցի կողմից տրամադրված կեղծ տեղեկատվություն օգտագործելու համար:
Տաթև Ֆռանգյան
