14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Ուկրաինայի ԶՈւ-ն բանաստեղծությամբ է արձագանքել Ղրիմի կամրջի վրա միջադեպին․ ՌԴ ՔԿ-ն Կիևին է մեղադրել
Քաղաքականություն
17.07.2023 | 13:12
Ղրիմի կամրջի վրա պայթյունից հետո Ուկրաինայի Անվտանգության ծառայությունը սոցիալական ցանցերում բանաստեղծություն է հրապարակել՝ «Սոխակ, հարազատ եղբայր, կրկին կամուրջը գնաց «քնելու», հետգրությամբ՝ «P. S. Երաժշտությունը՝ ժողովրդական, խոսքերը՝ Ուկրաինայի ԶՈւ-ի»։
Նշենք, որ կամրջի վրա նախորդ պայթյունին ևս Ուկրաինայի ԶՈւ-ն նման կերպ էր արձագանքել։
BBC-ի ռուսական ծառայության հաղորդմամբ՝ սա կարելի է մեկնաբանել որպես կատարվածում ուկրաինական հատուկ ծառայությունների ներգրավվածության ակնարկ։
Մինչ այդ, Ռուսաստանի Քննչական կոմիտեն հայտնել է, որ Ղրիմի կամրջի վրա հարձակումն իրականացվել է ուկրաինական հատուկ ծառայությունների մասնակցությամբ։
«Հետաքննության տվյալներով՝ հուլիսի 16-ի լույս 17-ի գիշերը Ուկրաինայի հատուկ ծառայությունների կողմից իրականացված ահաբեկչության հետևանքով վնասվել է Ղրիմի կամրջի հատվածներից մեկը»,- հայտնում է ՌԴ Քնչական կոմիտեն։
Հիշեցնենք, որ պայթյունի հետևանքով Բելգորոդի շրջանից ամուսնական զույգ է մահացել, նրանց 14-ամյա դուստրը ծանր վնասվածքներով հոսպիտալացվել է։
Տաթև Ֆռանգյան
