16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Միջադեպ Ղրիմի կամրջի վրա․ երթևեկությունը դադարեցվել է
Քաղաքականություն
17.07.2023 | 11:14
Երկուշաբթի գիշերը, ենթադրաբար, պայթյուն է որոտացել Ռուսաստանի Կրասնոդարի մարզը բռնակցված Ղրիմի թերակղզու հետ կապող կամրջի վրա։ Արդյունքում երկու մարդ մահացել է, կամրջով երթևեկությունը դադարեցվել է, գրում է BBC-ի ռուսական ծառայությունը։
Ռուսական իշխանությունների հաղորդմամբ՝ «արտակարգ դեպք» է տեղի ունեցել Կուբանի կողմից Ղրիմի կամրջի 145-րդ հենասյան տարածքում։ Միջադեպի պատճառները դեռևս պաշտոնապես չեն հայտարարվել։
Սակայն տեղական աղբյուրները գրել են երկու հզոր պայթյունների մասին, իսկ Telegram ալիքների հրապարակած լուսանկարներում երևում է կամրջի երկու բացվածքների լուրջ վնասվածքը:
Պայթյունի հետևանքով Բելգորոդի շրջանից ամուսնական զույգ է մահացել, նրանց 14-ամյա դուստրը ծանր վնասվածքներով հոսպիտալացվել է։
Ռուսաստանի իշխանությունները փակել են Կերչի նեղուցով երթևեկությունը, երկու ուղղությամբ կամրջի ավտոմոբիլային և երկաթուղային երթևեկությունը, ինչպես նաև լաստանավային անցումը:
Ուկրաինայում պատերազմի սկզբից ի վեր սա երկրորդ խոշոր միջադեպն է դեպի բռնակցված թերակղզի տանող կամրջի վրա։ Նախորդ դեպքը տեղի էր ունեցել անցյալ տարվա հոկտեմբերին։
Տաթև Ֆռանգյան
