14.05.2026 | 10:03
Հենրիխ Մխիթարյանը հերթական տիտղոսն է նվաճել «Ինտերի» կազմում․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Երիտասարդ առաջնորդների հակակոռուպցիոն դպրոցի ունկնդիրներն այցելել են Գլխավոր դատախազություն
Հասարակություն
15.07.2023 | 17:46
Գլխավոր դատախազությունը հուլիսի 14-ին հյուրընկալել է Երիտասարդ առաջնորդների հակակոռուպցիոն դպրոցի 9-րդ հոսքի ունկնդիրներին: Այս մասին տեղեկացնում է՝ ՀՀ դատախազության հանրային կապերի բաժինը:
Գլխավոր դատախազության հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության պետի ժամանակավոր պաշտոնակատար Էդգար Արսենյանն ունկնդիրներին ներկայացրել է Դատախազության լիազորությունների շրջանակը՝ կոռուպցիայի դեմ պայքարի ոլորտում, համակարգի առաջնահերթությունները, խնդիրներն ու դրանց լուծման ուղղությունները:
Հանդիպման ընթացքում անդրադարձ է կատարվել նաև ապօրինի ծագում ունեցող գույքի բռնագանձման գործընթացին, կոռուպցիոն գործերով պետությանը պատճառված վնասի վերականգնման ուղղությամբ տարվող աշխատանքներին, կոռուպցիոն երևույթների վերաբերյալ անանուն հաղորդում ներկայացնելու ազդարարման հարթակին:
Էդգար Արսենյանը պատասխանել է նաև Դպրոցի ունկնդիրների հարցերին:
