07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Ալիևի օգնականն Անկարայում Թուրքիայի ՊՆ ղեկավարի հետ ռազմական գործակցության հարցեր է քննարկել
Քաղաքականություն
14.07.2023 | 22:05
Թուրքիայի պաշտպանության նախարար Յաշար Գյուլերը հանդիպել է Ադրբեջանի նախագահ Իլհամ Ալիևի սոցիալական և տնտեսական հարցերով օգնական Խալիդ Ահադովի հետ, գրում են ադրբեջանական լրատվամիջոցները։
Հանդիպումը տեղի է ունեցել Ահադովի Թուրքիա այցի շրջանակում։
Նշվում է, որ հանդիպման ընթացքում Գյուլերը նշել է, որ Ադրբեջանի և Թուրքիայի միջև գոյություն ունեն եղբայրության երկարամյա և հավերժական կապեր։
«Թուրքիայի ԶՈՒ-ն կիսում է և կշարունակի կիսվել իր ռազմական գիտելիքներով և փորձով Ադրբեջանի զինված ուժերի հետ»,- հայտարարել է Գյուլերը՝ նշելով, որ ողջ էներգիան ծախսում են հարաբերությունները զարգացնելու վրա։
Ի դեպ, ուշագրավ է, որ Թուրքիայի պաշտպանության նախարարի հետ հանդիպում է Իլհամ Ալիևի սոցիալական և տնտեսական հարցերով օգնականը։ Ահադովն այդ պաշտոնում նշանակվել է 2022 թվականի նոյեմբերի 17-ին, մինչ այդ նա եղել է Ադրբեջանի նախագահի կնոջ՝ Մերիբան Ալիևայի օգնականը։
Էմմա Չոբանյան
