06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Պատրաստվում ենք Պուտինին օգոստոսին հյուրընկալել Թուրքիայում․ Էրդողան
Քաղաքականություն
14.07.2023 | 18:40
Թուրքիայի նախագահ Ռեջեփ Թայիփ Էրդողանը Ստամբուլի Սկյութար թաղամասում ուրբաթօրյա աղոթքից հետո լրագրողների հետ զրույցում խոսել է նաև ՌԴ նախագահ Վլադիմիր Պուտինի այցի մասին, հաղորդում է TRT Haber-ը։
«Մենք պատրաստվում ենք օգոստոսին հյուրընկալել պարոն Պուտինին Թուրքիայում։ Մենք համաձայն ենք Սևծովյան հացահատիկային միջանցքի երկարաձգման հարցում։ ՄԱԿ-ից պարոն Գուտերեշը նամակ է հղել պարոն Պուտինին, հուսով եմ՝ այս նամակով, մեր և Ռուսաստանի համատեղ ջանքերով կապահովենք հացահատիկային գործարքի երկարացումը»,- ասել է Էրդողանը։
Հիշեցնենք, որ հացահատիկային գործարքի ժամկետը լրանում է հուլիսի 17-ին։
Ավելի վաղ էլ Կրեմլի խոսնակ Դմիտրի Պեսկովը հայտարարել էր, որ ՌԴ-ի և Թուրքիայի նախագահների բանակցությունների օրը որոշված չէ։ Պեսկովը նաև հիշեցրել է, որ Պուտինը «ներկայացրել է իր դիրքորոշումը հացահատիկային գործարքի վերաբերյալ», և որ նոր բան դեռ չկա։
Վլադիմիր Պուտինը հայտարարել էր, որ Ռուսաստանը կարող է դադարեցնել իր մասնակցությունը գործարքին, քանի որ Մոսկվայի շահերին առնչվող ոչինչ չի արվել դրա շրջանակում։
Էմմա Չոբանյան
