07.10.2026 | 23:48
Արթուր Դանիելյանը կալանավորվեց
«Վագներ»-ի վարձկանները ներգրավված չեն Ուկրաինայում ռազմական գործողություններին․ Պենտագոն
Քաղաքականություն
14.07.2023 | 17:48
Ռուսական «Վագներ» մասնավոր ռազմականացված ընկերության վարձկանները, ըստ Պենտագոնի, «մեծ մասամբ» այլևս չեն մասնակցում Ուկրաինայում մարտերին, գրում է VOA-ն։
«Այս փուլում մենք չենք տեսնում, որ «Վագների» ուժերը զգալի մասնակցություն ունեն Ուկրաինայում մարտերին»,- մամուլի ասուլիսում նշել է Պենտագոնի խոսնակ, գեներալ Փեթ Ռայդերը:
Նրա խոսքով՝ Միացյալ Նահանգները կարծում է, որ «Վագներ»-ի գրոհայինների «մեծամասնությունը» դեռևս Ռուսաստանի կողմից օկուպացված ուկրաինական տարածքներում է։
Պենտագոնի հայտարարությունը հնչել է երկու շաբաթ անց այն բանից հետո, երբ խմբի ղեկավար Եվգենի Պրիգոժինը, որն առանցքային դեր է խաղացել Ուկրաինայի դեմ Մոսկվայի հարձակման մեջ, փորձեց տապալել ռուսական ռազմական հրամանատարությունը բլից-կրիգի միջոցով:
Տաթև Ֆռանգյան
