07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Հին ու նոր հրաժարականների մեխանիկան․ սուլոցից մինչև կոռուպցիոն սկանդալներ․ ՏԵՍԱՆՅՈՒԹ
Քաղաքականություն
09.07.2018 | 20:53
Հեղափոխությունից հետո Հայաստանում հրաժարականների իսկական շքերթ է․ եթե քաղաքական պաշտոններից նախկին իշխանության թիմի ներկայացուցիչների հեռանալը օրինաչափ էր, ապա Տեղական ինքնակառավարման մարմինների ղեկավարների հրաժարականներից շատերը կարող էին եւ չլինել, քանի որ ֆորմալ առումով ընտրված համայնքապետերին ոչինչ պիտի չսպառնար։ Բայց քանի որ Հայաստանում համայնքների ղեկավարների գերակշիռ մասը ընտրվել է հայտնի մեթոդներով, այսօր այդ մեթոդները երաշխավորող թիմի հրաժարականից հետո ստիպված է հեռանալ՝ չունենալով իրեն «ընտրած» ժողովրդի աջակցությունը։ Հրազդանի, Արմավիրի, Կապանի քաղաքապետերի հրաժարականներին այսօր գումարվեց նաեւ Երեւանի քաղաքապետ Տարոն Մարգարյանի հրաժարականը, ով դեռ մեկ ամիս առաջ վստահեցնում էր, որ լինելով երեւանցիների կողմից ընտրված քաղաքապետ, չի պատրաստվում հրաժարական տալ։
Նախորդ տարիներին հանրության եւ քաղաքական ուժերի կողմից հնչեցված հրաժարականների պահանջների, դրանց իրականացման, ինչպես նաեւ ներկայիս իրավիճակի մասին առավել մանրամասն՝ տեսանյութում։
Սևակ Հակոբյան
