07.09.2026 | 21:14
Հոբարձիում հյուրատան մոտ փոխհրաձգություն է եղել․ ոստիկանները բացահայտել են սպանության փորձի դեպքը. ՆԳՆ
Կապանի ավագանին ստորագրեց համայնքապետի հրաժարականը
Քաղաքականություն
09.07.2018 | 20:36
Այսօր Կապան համայնքի ավագանին համայնքի ղեկավար Աշոտ Հայրապետյանի լիազորությունները վաղաժամկետ դադարեցնելու մասին արձանագրություն ստորագրեց
/ներկա 14 հոգուց ստորագրեց 12-ը/։
Իր հրաժարականի մասին դիմումը Աշոտ Հայրապետյանը ավագանուն ներկայացրել էր դեռեւս հուլիսի 6-ին, իսկ ավագանու անդամները հորդորել էին սպասել մինչեւ երկուշաբթի եւ նորից մտորել որոշումից առաջ։ Այսօր Ա․Հայրապետյանը հայտարարեց, որ իր որոշումն անփոփոխ է։ Նա շնորհակալություն հայտնեց ավագանու անդամներին համատեղ աշխատանքի համար, հաջողություն՝ համայնքի ապագա ղեկավարի հետ աշխատանքում։
Եվ քանի որ համայնքի գործունեության ամենակարեւոր ցուցանիշներից մեկ քաղաքաշինությունն է, հեռանալուց առաջ Աշոտ Հայրապետյանը նաեւ հաշվետվություն ներկայացրեց 2018-ին համայնքում այս բնագավառում կատարված աշխատանքների մասին՝ նշելով, որ այն աշխատանքների համար, որոնց մասին նշվեց, որ նախատեսված են, ֆինանսավորման հարցը լուծված է արդեն։
Կապանի համայնքապետարան
