06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Շնորհակալություն, որ հարկերը վճարում եք առանց ՔԿ-ի և Դատախազության օգնության. Փաշինյան․ ՏԵՍԱՆՅՈՒԹ
Հասարակություն
13.07.2023 | 12:39
ՀՀ պետական բյուջեի եկամտային հատվածը առաջին կիսամյակի արդյունքներով գերակատարվել է շուրջ 50 միլիարդ դրամով․ արդյունքում 10 միլիարդ դրամով լրացուցիչ հարկային եկամուտների ծրագրային ցուցանիշների ավելացման հաշվին համալրվում է պահուստային ֆոնդը։ Կառավարության այսօրվա նիստում այս մասին նշեց ՀՀ ֆինանսների նախարար Վահե Հովհաննիսյանը։
«Սրանից առաջ 10 որոշումներով արդեն իսկ մեր պլանը ավելացվել էր շուրջ 7.5 միլիարդ դրամով, որի հիմնական մասը՝ մոտ 6.5 միլիարդ դրամը, հատկացվել է Լեռնային Ղարաբաղին»,- նշեց նախարարը։
Վարչապետ Նիկոլ Փաշինյանը հավելեց, որ այս տարևվա առաջին կիսամկայում պետական բյուջեի եկամտային մասը գերակատարվել է շուրջ 49,9 մլրդ դրամով, որի արդյունքում որոշվել է ավելի քան 17 մլրդ դրամ տեղափոխել պահուստային ֆոնդ՝ 7, 5 միլիարդն արդեն տեղափոխվել է, այժմ 10 մլրդն է տեղափոխվելու:
«Այստեղ կարող է հարց ծագել, թե ինչու ենք միայն 10 մլրդ դրամը տեղափոխում, ոչ ամբողջը: Այս պահին նման գործողության կարիքը չենք տեսնում: Այդ գումարը թող հաշիվներում մնա, հետագայում կտեսնենք նրանց օգտագործելու անհրաժեշտությունը»,- նշեց Փաշինյանը:
Վարչապետը շնորհակալություն հայտնեց այն հարկատուներին, որոնք օրենքով սահմանված հարկերը վճարում են առանց Քննչական կոմիտեի, Դատախազության ու իրավապահ մյուս մարմինների օգնության։
Մանրամասները՝ տեսանյութում։
