08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՀՀ-ում գրասենյակներ չբացելով՝ խոչընդոտվել են հայ-գերմանական հարաբերությունները․ Գևորգյան․ ՏԵՍԱՆՅՈՒԹ
Քաղաքականություն
13.07.2023 | 12:31
Ազգային ժողովի այսօրվա արտահերթ նիստի օրակարգում, ի թիվս այլ նախագծերի, ներառվել է նաև «Գերմանական միջազգային համագործակցության ընկերություն և վերականգնման վարկերի բանկի տեղական գրասենյակներ հիմնելու վերաբերյալ» հայտագրերի փոխանակման ձևով կնքված համաձայնագիրը վավերացնելու մասին օրենքի նախագիծը։
Նախագծի հիմնական զեկուցող ՀՀ էկոնոմիկայի նախարարի տեղակալ Ռաֆայել Գևորգյանը, անդրադառնալով «Հայաստան» խմբակցության պատգամավոր Արծվիկ Միանսյանի դիտարկմանը, թե տպավորություն կա, որ հայ-գերմանական հարաբերությունները խոչընդոտվել են նախորդ ժամանակաշրջանում, ընդգծեց, որ Գերմանիան ԵՄ համագործակցության շրջանակներում ՀՀ-ի առաջին գործընկերն է և Գերմանիայի կառավարությունը բավականին ակտիվ գործունեություն է ունեցել ՀՀ-ում՝ 2 տրիլիոնից ավելի ներդրումներ է ունեցել նախորդ 30 տարիներին, սակայն ՀՀ-ում գրասենյակներ չբացելով՝ խոչընդոտվել են հայ-գերմանական հարաբերությունները։
«2019 թվականին Գերմանիայի միջազգային համագործակցության նախարարությունը որոշում էր կայացրել հանել 2020-2030թթ․ ռազմավարության միջից ՀՀ-ն, որպես երկկողմ համագործակցության ուղղություն։ Մեկ օրում չի կայացվել այդ որոշումը, տարիներ շարունակ առկա խոչընդոտների հետևանք է դա։
Ի պատիվ գործող Կառավարության՝ մեզ հաջողվեց այդ ամենը փոխել»,- նշեց Գևորգյանը։
Մանրամասները՝ տեսանյութում։
