15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Հայտնի է Երևանի ավագանու ընտրությունների օրը
12.07.2023 | 23:05
Երևանի ավագանու հերթական ընտրությունը տեղի կունենան 2023 թվականի սեպտեմբերի 17-ին։ Այս մասին Factor.am-ը տեղեկանում է ՀՀ կառավարությունից։
Նշենք, որ Երևանի ավագանու վերջին ընտրությունները տեղի են ունեցել 2018 թվականի սեպտեմբերի 23-ին: Ավագանին իր լիազորությունները ստանձնել է 2018 թվականի հոկտեմբերի 10-ին: Վերջինիս լիազորությունները ժամկետը լրանում է 2023 թվականի հոկտեմբերի 10-ին:
Նշենք, որ իշխող ՔՊ կուսակցությունը քաղաքապետի թեկնածու առաջադրելու է Տիգրան Ավինյանին։ Նա այժմ փոխքաղաքապետն է և փաստացի ստանձնել է քաղաքապետի լիազորությունները։
«Ապրելու երկիր» կուսակցության նախընտրական ցուցակը կգլխավորի աշխատանքի և սոցիալական հարցերի նախկին նախարար Մանե Թանդիլյանը «Սոցիալ դեմոկրատ Հնչակյան կուսակցության» և «Եվրոպական կուսակցության» քաղաքապետի թեկնածուն սոցիոլոգ Կարեն Սարգսյանն է։
2021-ին հիմնադրված «Արդար Հայաստան» կուսակցության քաղաքապետի թեկնածուն փաստաբան Նորայր Նորիկյանն է։ «Հանրապետություն» կուսակցության քաղաքապետի թեկնածուն արդարադատության նախկին նախարար Արտակ Զեյնալյանն է, «Լուսավոր Հայաստան» կուսակցության նախընտրական ցուցակը կգլխավորի Դավիթ Խաժակյանը։
Ավագանու ընտրություններին կմասնակցի նաև Հայկ Մարությանի պաշտոնավարման օրոք մեկ տարի Կենտրոն վարչական շրջանը ղեկավարած Վիկտոր Մնացականյանը։
«Ուժը հայրենյաց» կուսակցությունը Երևանի քաղաքապետի թեկնածու է առաջադրել կուսակցության նախագահ, գործարար Տիգրան Արզաքանցյանի կնոջը՝ Նատալյա Ռոտենբերգին։ «Միացյալ Հայաստան» կուսակցությունը ևս կմասնակցի ավագանու ընտրություններին․ նախընտրական ցուցակը կգլխավորի կուսակցության նախագահ Երվանդ Թարվերդյանը։
Տեղեկություններ կան, որ ընտրություններին առաջադրվելու է նաև նախկին քաղաքապետ Հայկ Մարությանը, որին ՔՊ-ն պաշտոնանկ արեց։ Նա առայժմ չի հստակեցնում իր մասնակցության մասին տեղեկությունները։
Նարեկ Կիրակոսյան
