Մենք ճանաչում ենք Լեռնային Ղարաբաղն Ադրբեջանի մաս, բայց ասում ենք՝ ժողովուրդը պետք է ինքնորոշվի. Գագիկ Մելքոնյան․ ՏԵՍԱՆՅՈՒԹ

ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանն այսօր Factor.am-ի հետ զրույցում անդրադարձել է սահմանային իրավիճակին, Բաքվի կողմից պարբերաբար հնչող սպառնալիքներին և խաղաղության հնարավոր պայմանագրի ստորագրմանը։

Ինչ խաղաղության պայմանագիր էլ կնքենք, նորից ադրբեջանցիները կրակելու են․ մեզ այդպիսի հարևան է բաժին ընկել։ Factor TV- հետ զրույցում այս կարծիքը հայտնեց «Քաղաքացիական պայմանագիր» խմբակցության պատգամավոր, պաշտպանության նախկին նախարար Գագրկ Մելքոնյանը։

Պատգամավորը հավելեց, որ, այնուամենայնիվ, այդ պայմանագրի կնքմամբ շատ բաներ կփոխվեն․ «Սահմանազատման և սահմանագծման աշխատանքներ կիրականացվեն, պայմանավորվածություն ձեռք կբերվի, թե սահմանապահ զորքերը սահմանից քանի կմ հեռու պետք է տեղակայվեն։ Ադրբեջանի նպատակն է հանդես գալ հաղթողի դիրքերից և իր պայմանները թելադրել»։

Պատգամավորի դիտարկմամբ՝ զարմանալի չէ, որ թե՛ ՀՀ սահմանին, թե՛ Արցախում կրակոցներ են, թեև ընթանում է բանակցային պրոցես․ «30 տարի է ադրբեջանցիները կրակում են, պատերազմից առաջ էլ են կրակել, նորից կրակում են և էլի կկարկեն, քանի որ մեր խնդիրներն Ադրբեջանի հետ վերջնականապես չենք լուծել։

Ցանկանում են վախի մթնոլորտ ստեղծել, բայց մենք իրենց կրակոցներն էլ գիտենք, ոտնձգություններն էլ։ Իսկ բանակցային պրոցեսը պետք է շարունակվի, չպետք է ընդհատվեն կրակոցների պատճառով»։

Ադրբեջանը մեզ համարում է թշնամի և վերաբերվում է որպես թշնամու, նույնը պետք է անենք մենք»։

Պատգամավորը համոզմունք հայտնեց, որ ԱՄՆ-ը կստիպի, որ Բաքու-Ստեփանակերտ բանակցություններն ընթանան, քանի որ աշխարհը տեսնում է, որ գործընթացները տանում են դեպի ցեղասպանություն։

«Մենք ասել ենք, որ ճանաչում ենք Լեռնային Ղարաբաղն Ադրբեջանի մաս, բայց նաև ասել ենք՝ ժողովուրդը պետք է ինքնորոշվի, ժողովրդի անվտանգությունը պահպանվի»,- ընդգծեց Գագիկ Մելքոնյանը։

Մանրամասները՝ տեսանյութում։