Ազգային ժողովի այսօրվա արտահերթ նիստում երկրորդ ընթերցմամբ քննարկվում է պատգամավորներ Նարեկ Զեյնալյանի և Արփինե Դավոյանի հեղինակած «ՀՀ հարկային օրենսգրքում լրացումներ և փոփոխություն կատարելու մասին» օրենքի նախագիծը․ այն առաջին ընթերցմամբ քննարկվել է հուլիսի 11-ին գումարված ԱԺ արտահերթ նստաշրջանում: Նախատեսվում է ինստիտուցիոնալ հիմքերի վրա դնել ՀՀ առողջապահության նախարարության և բժշկական ասոցիացիաների փոխհարաբերությունները։
Փոփոխության անհրաժեշտությունը ծագել է այն հանգամանքից հետո, երբ Տեսչական մարմինը դեղատներում հայտնաբերել է դրոշմապիտակավորված, սակայն ՀՀ-ում չգրանցված, անօրինական ներկրված դեղորայք: Այս մասին հայտարարեց Առողջապահության հարցերի մշտական հանձնաժողովի նախագահ Նարեկ Զեյնալյանը:
Նրա խոսքով՝ ՊԵԿ-ը հնարավորություն չունի ստուգելու ներկրման հավաստագրի փաստը, առկայությունն ու իսկությունը:
Առաջարկվող կարգավորումներով ներմուծվող դեղամիջոցը կօտարվի ներմուծման հավաստագրի (համապատասխանության)` նմուշառման և փորձագիտական դրական եզրակացություն ստանալուց հետո` նպաստելով ՀՀ-ում շրջանառվող դեղերի անվտանգության բարձրացմանը:
Մանրամասները՝ տեսանյութում։
