08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Անհրաժեշտ է կասեցնել գործը. Սերժ Սարգսյանի ներկայացուցիչը միջնորդեց սպասել ՍԴ-ի որոշմանը
Հասարակություն
12.07.2023 | 11:48
Հակակոռուպցիոն դատարանում` նախագահությամբ դատավոր Կարապետ Բադալյանի, մեկնարկեց Հայաստանի երրորդ նախագահ Սերժ Սարգսյանի և վերջինիս հարազատների` ենթադրյալ ապօրինի ծագում ունեցող գույքի բռնագանձման գործի քննությունը:
Փաստաբան Ամրամ Մակինյանը հայտարարեց, որ միացել է փաստաբանների ակցիային և միջնորդություն է ներկայացրել դատարան` նիստը հետաձգելու մասին։
Նշենք, որ ՀՀ փաստաբանները հուլիսի 11-13–ը եռօրյա գործադուլ են իրականացնում՝բողոքելով ոստիկանության բաժնում վերջին ամիսներին տեղի ունեցած բռնության դեպքերի դեմ։
Սարգսյանի պաշտպան Ամրամ Մակինյանը նշեց, որ միջնորդությունը նախօրեին ուղարկել էր դատարան։ Մասնավորապես, նա խնդրել էր հետաձգել հանդիպումը, քանի որ միացել է փաստաբանների գործադուլին։ Դատավորը, սակայն, այն չի դիտարկել, և դատական նիստի օրը չի փոխվել։
Մակինյանը կրկին խնդրեց հետաձգել հանդիպումը։
Մեղադրող կողմը համարեց, որ գործադուլը նիստը հետաձգելու պատճառ չէ և պահանջեց մերժել միջնորդությունը։
Դատավորը լսեց դատախազին, այնուհետև որոշեց, որ փաստաբանների գործադուլը բավարար պատճառ չէ նիստը հետաձգելու համար։
Մանրամասները՝ տեսանյութում։
