10.01.2025 | 23:14
ՊԵԿ նախագահն ընդունել է Հնդկաստանի դեսպանին
Տարբեր միջոցառումների ժամանակ վիրավորանքներ են հնչել քաղաքացիների հասցեին, Թագուհի Թովմասյանը լռել է. Աղազարյան․ ՏԵՍԱՆՅՈՒԹ
Քաղաքականություն
11.07.2023 | 12:24
«Թագուհի Թովմասյանը պետք է արձագանքեր և սաստեր, երբ վիրավորական հայտարարություններ էին արվում հայ ժողովրդի հասցեին, բայց ոչ մի ռեակցիա չէր տալիս»,- ԱԺ-ում լրագրողների հետ ճեպազրույցում այս մասին նշեց «Քաղաքացիական պայմանագիր» խմբակցության պատգամավոր Հովիկ Աղազարյանը՝ անդրադառնալով Թովմասյանի լիազորությունները դադարեցնելու մասին նախագծին:
Աղազարյանը պնդեց, որ Թովմասյանի դեմ սկսված գործընթացը վրեժխնդրւթյուն չէ․ «Վրեժխնդրությունն անձնական դաշտում է, այստեղ որևէ անձնական հարց չկա, ի՞նչ վրեժխնդրության մասին է խոսքը»։
«Թագուհի Թովմասյանի՝ որպես հանձնաժողովի նախագահի աշխատանքից գոհ չեմ, որպես լրագրողի՝ գոհ եմ: Ինքը չի կատարել իր պարտականությունները:
Բազմաթիվ հրապարակային միջոցառումների ժամանակ իր ներկայությամբ վիրավորական խոսքեր են հնչել հայ ժողովրդի հասցեին, ու ինքը քար լռությամբ կամ հեգնական ժպիտով է եղել»,- նշեց Աղազարյանը։
«Իսկ երբ Դուք քաղաքացու կարտոֆիլը ցրիվ էիք տալիս, վիրավորում, Ձեր վարքը ո՞նց եք գնահատում»,- անդրադառնալով լրագրողի այս հարցին, պատգամավորն արձագանքեց․ «Տեսնո՞ւմ եք, Թովմասյանն այստեղ էլ է թերացել ու չի պաշտպանել կարտոֆիլ ծախողի իրավունքները»:
Մանրամասները՝ տեսանյութում։
