24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Վրեժխնդրություն է իրականացվում. Տիգրան Աբրահամյանը՝ Թագուհի Թովմասյանին պաշտոնանկ անելու նախաձեռնության մասին․ ՏԵՍԱՆՅՈՒԹ
Քաղաքականություն
11.07.2023 | 12:16
«Հայաստանում բռնապետական ռեժիմ կառուցելու և կայացնելու ճանապարհին կարծես թե ապօրինությունները սովորական են դարձել»,- Այսօր Ազգային ժողովում լրագրողների հետ ճեպազրույցում այս կարծիքը հայտնեց «Պատիվ ունեմ» խմբակցության քարտուղար Տիգրան Աբրահամյանը։
Անդրադառնալով «Պատիվ ունեմ» խմբակցության պատգամավոր Թագուհի Թովմասյանի դեմ սկսված գործընթացին՝ ԱԺ մարդու իրավունքների և հանրային հարցերի մշտական հանձնաժողովի նախագահի լիազորությունները դադարեցնելու մասին ՔՊ ներկայացրած նախագծին, Աբրահամյանն այն հիմնազուրկ ու չփաստարկված համարեց։
Ընդդիմադիր պատգամավորի դիտարկմամբ՝ Թագուհի Թովմասյանի պաշտոնանկության գլխավոր շարժառիթը վրեժխնդրությունն է։
«Երկրորդ շարժառիթն այն է, որ մարդու իրավունքների պաշտպանի գործունեության տեսանկյունից բոլոր փուլերում Թագուհի Թովմասյանն իր գործունեությամբ շատ ավելի ակտիվ է եղել, ավելի արդյունավետ, թիրախային է աշխատել` վեր հանելով բազմաթիվ խնդիրներ բոլոր ոլորտներին վերաբերող։
Թագուհի Թովմասյանը նաև բավականին մեծ աշխատանք է տանում մարդու իրավունքների համատեքստում Արցախի հարցում, հատկապես` շրջափակման շրջանակներում, ինչը նաև խնդրահարույց է իշխանության քաղաքական կուրսի տեսանկյունից»,– նշեց Աբրահամյանը։
Մանրամասները՝ տեսանյութում։
