14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Գեղարքունիքի մարզի Շողակաթ համայնքի հանրային լողափում ևս սահմանվել է հերթապահություն
Հասարակություն
10.07.2023 | 21:49
ՆԳՆ ՓԾ տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանի հրամանով հուլիսի 10-ից Գեղարքունիքի մարզի Շողակաթ (Շորժա) համայնքի հանրային լողափում ՆԳՆ ՓԾ հատուկ նշանակության փրկարարական աշխատանքների իրականացման կենտրոնի ջրափրկարարներն իրականացնում են շուրջօրյա հերթապահություն։
ՀՀ ՆԳՆ Փրկարար ծառայությունից տեղեկացնում են, որ հանգստացողների անվտանգությունն ապահովելու նպատակով հերթապահություն իրականացնող անձնակազմն իրականացնում է 24-ժամյա հսկողություն ոչ միայն ջրում, այլև ափամերձ տարածքներում։
Անձնակազմը համալրված է աշխատանքների արդյունավետ իրականացման համար անհրաժեշտ ջրափրկարարական տեխնիկայով, միջոցներով և հանդերձանքով։ Լողափը կահավորված է զգուշացնող նշաններով։
Փրկարարների կողմից պարբերաբար իրականացվում են իրազեկման աշխատանքներ՝ անվտանգության կանոնների պահպանման ուղղությամբ։
