26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Վրաստանն անհաջող կերպով բախվում է «ՆԱՏՕ-ի ապակյա դռներին»․ Պապուաշվիլի
Քաղաքականություն
10.07.2023 | 20:02
Վրաստանի Խորհրդարանի նախագահ Շալվա Պապուաշվիլին հայտարարել է, որ Վրաստանը լիովին պատրաստ է անդամակցել ՆԱՏՕ-ին, սակայն «բախվում է ապակե դռան», փոխանցում է Նովոստի-Գրուզիան։
«Վրաստանի և ՆԱՏՕ-ի միջև քաղաքական և ռազմական համագործակցությունը զգալիորեն աճել է, և Վրաստանը զգալի օգնություն է ստացել դաշինքի կողմից: Բայց Վրաստանի անդամակցության կրիտիկական հարցում ՆԱՏՕ-ի իներտ մոտեցման մեջ որակապես քիչ բան է փոխվել։ Վերջին տասնամյակի ընթացքում Վրաստանը հիմնովին փոխել է իր ժողովրդավարական ինստիտուտները, հրաժարվել է կառավարման ավտորիտար համակարգից և բարելավել իր պաշտպանունակությունը ՆԱՏՕ-ի չափանիշներին համապատասխան: Իսկ ՆԱՏՕ-ն գագաթաժողովից գագաթնաժողով միայն կրկնում է անդամակցության իր խոստումը»,- հայտարարել է Պապուաշվիլին։
Վիլնյուսում դաշինքի գագաթնաժողովի նախօրեին հրապարակած բաց նամակում Պապուաշվիլին հիշեցնում է նաև 2002 թվականին Էդուարդ Շևարդնաձեի խոսքերը ՆԱՏՕ-ի բաց դռների քաղաքականության վերաբերյալ. «Խնդրում եմ՝ մեզ երկար մի պահեք բաց դռների առջև, քամուց կարող ենք մրսել»։
Տաթև Ֆռանգյան
