12.12.2024 | 19:30
Արարադատության «ճիրաններում». սպանության գործը 8 տարի անց քննվում է զրոյից․ ՏԵՍԱՆՅՈՒԹ
Ստոլտենբերգը հայտարարել է, որ աջակցում է ԵՄ-ին Թուրքիայի անդամակցությանը
Քաղաքականություն
10.07.2023 | 18:36
ՆԱՏՕ-ի գլխավոր քարտուղար Յենս Ստոլտենբերգն արձագանքել է Թուրքիայի նախագահ Ռեջեփ Թայիփ Էրդողանի՝ այսօր ավելի վաղ արված հայտարարություններին։ Նա նշել է, որ սատարում է ԵՄ-ին միանալու՝ Թուրքիայի հավակնությունը, սակայն նշել է, որ դա այն համաձայնագրում չէ, որ Շվեդիան, Ֆինլանդիան և Թուրքիան ստորագրել են անցյալ տարի Մադրիդում կայացած ՆԱՏՕ-ի գագաթնաժողովում։
Ստոլտենբերգը կրկնել է, որ Շվեդիան կատարել է այդ պայմանները, և ասել, որ կարծում է՝ «դեռևս հնարավոր է դրական որոշում» ունենալ երկրի սպասվող անդամակցության վերաբերյալ։
«Վիլնյուսում դեռ հնարավոր է Շվեդիայի վերաբերյալ դրական որոշում կայացնել»,- ասել է ՆԱՏՕ-ի գլխավոր քարտուղարը։
Հավելենք, որ Էրդողանն այսօր ՆԱՏՕ-ին Շվեդիայի անդամության հայտի վավերացման համար նոր պայման է առաջ քաշել։
«Սկզբում ճանապարհ բացեք ԵՄ-ին Թուրքիայի անդամակցության համար, իսկ հետ մենք ճանապարհ կհարթենք ՆԱՏՕ-ին Շվեդիայի անդամակցության հայտի համար, ինչպես արեցինք Ֆինլանդիայի դեպքում»,- ասել է Թուրքիայի նախագահը։
Հավելենք, որ ՆԱՏՕ-ի գագաթնաժողովին ընդառաջ այսօր Էրդողանը Վիլնյուսում հանդիպելու է դաշինքի գլխավոր քարտուղարին ու Շվեդիայի վարչապետին։ Հուլիսի 11-12-ն էլ տեղի է ունենալու գագաթնաժողովը։
Էմմա Չոբանյան
