02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Կանադայում դատարանը «բութ մատը վերև» էմոջին հավասարեցրել է էլեկտրոնային ստորագրությանը
Քաղաքականություն
10.07.2023 | 23:19
Կանադայում դատարանն ընդունել է, որ «բութ մատը վերև» էմոջին նշանակում է աշխատանքային գործարքի ընդունում և 61 հազար դոլարով տուգանել ֆերմերներին, ովքեր «բութ մատ են» դրել պայմանագրի մասին հաղորդագրությանը, բայց չեն կատարել այն։ Այս մասին գրում է բրիտանական The Guardian-ը։
Սասկաչևան նահանգից ֆերմեր Քրիս Աչթերը չի կարողացել 2021 թվականին գնորդ Քենթ Միքլբորոին 86 տոննա կտավատ մատակարարել, ինչը վերջինիս դրդել է իրավական միջոցների դիմել։
Տղամարդը բացատրել է, որ հեռախոսով քննարկել է ֆերմերի հետ հնարավոր պայմանավորվածությունը, ապա նրան հաղորդագրությամբ ուղարկել պայմանագրի նախագիծ՝ հավելելով. «Խնդրում եմ հաստատել կտավատի պայմանագիրը»։
Ի պատասխան՝ Աչթերը «բութ մատը վերև» էմոջի է դրել։ Գնորդը մտածել է, որ ֆերմերը հավանություն է տվել պայմանագրին, սակայն կտավատը պայմանավորված ժամկետում այդպես էլ չի ստացել։
Միքլբորոն բացատրել է, որ նախկինում արդեն պայմանագրեր է կնքել Աչթերի հետ SMS հաղորդագրությունների միջոցով։ Միաժամանակ, Աչթերը պնդում է, որ էմոջին «ուղղակի հաստատում է, որ նա ստացել է պայմանագիրը», բայց չի նշանակում, որ համաձայնել է պայմանագրի պայմաններին։
Դատավորը գնորդի օգտին որոշում է կայացրել և տուգանել է ֆերմերին։ Նա հիմնվել է Dictionary.com-ի էմոջիների սահմանման վրա, որտեղ նշվում է, որ «բութ մատը վերև» էմոջին օգտագործվում է համաձայնություն, հավանություն կամ խրախուսում արտահայտելու համար:
Տաթև Ֆռանգյան
