06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ադրբեջանում իշխանությունները դադարեցրել են քաղբանտարկյալների և ընդդիմադիրների փաստաբանի գործունեությունը
Քաղաքականություն
07.07.2023 | 23:16
Ադրբեջանի իրավաբանների ասոցիացիայի նախագահությունը որոշել է կասեցնել Էլչին Սադիգովի իրավաբանական գործունեությունը, որը հայտնի է բազմաթիվ քաղբանտարկայլների, լրագրողների, բլոգերների, քաղաքական և կրոնական ակտիվիստների իրավունքների պաշտպանությամբ։ Ադրբեջանական լրատվամիջոցները հայտնում են, որ ասոցիացիան մտադիր է դիմել դատարան՝ Սադիգովի փաստաբանի կարգավիճակն ամբողջությամբ դադարեցնելու և խորհրդի կազմից նրան հեռացնելու համար։
Սադիգովի գործունեության կասեցման պատճառ է դարձել Ադրբեջանի իշխանությունների գրպանային լրագրող Էյնուլլա Ֆաթուլաևի բողոքը։
Սադիգովի խոսքով՝ այս դիմումը կապված է եղել իր նախկին հաճախորդի՝ Baku Steel ընկերության ղեկավար, ձեռնարկատեր Ռասիմ Մամեդովի հետ։ Անցյալ տարվա սեպտեմբերին Ֆաթուլաևի ղեկավարած haqqin.az կայքը հոդված էր հրապարակել, որում ասվում էր, թե Սադիգովը, իբր, միջնորդել է կաշառք փոխանցել Xural.tv յութուբյան ալիքի ղեկավար Ավազ Զեյնալիին, որպեսզի դադարեցնի նրա քննադատությունը Մամեդովի հասցեին։ Հրապարակումից հետո Սադիգովն ու Զեյնալին ձերբակալվել էին։
Այնուհետև Սադիգովի նկատմամբ տնային կալանքի էր կիրառվել, իսկ նրա գործն առանձնացվել էր առանձին վարույթով։ Միաժամանակ, Ֆաթուլաևը դիմել էր Փաստաբանների ասոցիացիային՝ Սադիգովին պատժելու համար։
Սադիգովը որոշումը համարում է անօրինական և քաղաքական դրդապատճառներով պայմանավորված։
«Վերջերս ես հրապարակել եմ իմ պաշտպանյալների նկատմամբ խոշտանգումների փաստերը՝ նրանց պաշտպանելու նպատակով։ Ինձ հաջողվեց նույնիսկ մի քանի քաղաքացիների ազատ արձակել։ Դա առաջացրել է իրավապահների դժգոհությունը, ուստի հրաման է տրվել ինձ հեռացնել կոլեգիայից»,- պատմել է Սադիգովը՝ հավելելով, որ իր դեմ գործը քննվել է առանց իր մասնակցության։
Էմմա Չոբանյան
