25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Նիդերլանդների դպրոցներում բջջային հեռախոսների օգտագործման արգելք է սահմանվելու
Քաղաքականություն
06.07.2023 | 23:23
Նիդերլանդների դպրոցներում արգելվելու է բջջային հեռախոսների օգտագործումը, հայտնում է Euronews-ը։
Երկրի Կրթության նախարարությունը պարզաբանել է, որ դա երեխաներին կօգնի չշեղվել դասերից։ Նշվում է, որ առայժմ խոսքը Կառավարության և ուսումնական հաստատությունների միջև համաձայնության մասին է, որոնք աջակցել են նախաձեռնությանն ու համաձայնել սահմանափակումներին։
«Մենք օրենսդրական արգելք չենք դնում։ Մենք պատրաստվում ենք ուշադրությամբ ուսումնասիրել՝ ինչպես է աշխատելու այդ պահանջը։ Իհարկե, միշտ կարելի է գնալ իրավական սահմանափակումների ճանապարհով։ Կարծում եմ՝ մենք կարող ենք պայմանավորվել»,- ասել է կրթության նախարար Ռոբերտ Դեյկգրաֆը։
Շատ դպրոցականների մոտ այս գաղափարը շփոթմունք է առաջացրել։ Նրանք ասում են, որ հեռախոսներն իսկապես անհրաժեշտ են իրենց։
Նիդերլանդների դպրոցներում բջջային հեռախոսների, պլանշետների և խելացի ժամացույցների արգելքն ուժի մեջ է մտնելու հունվարի 1-ից։ Նշվում է, որ կոնկրետ սահմանափակումները համաձայնեցվելու են ուսուցիչների, երեխաների և նրանց ծնողների հետ։
Էմմա Չոբանյան
