27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Հայաստանի վեցերորդ միջազգային բժշկական համագումարը Արցախում չի կայանա շրջափակման պատճառով
05.07.2023 | 16:22
Հայաստանի վեցերորդ միջազգային բժշկական համագումարը, որը նախատեսված էր կազմակերպել Արցախում, շրջափակման պատճառով կանցկացվի հուլիսի 6-8-ը՝ Երևանում․ այս մասին հայտնում է Արցախի Հանրապետության առողջապահության նախարարությունը:
Միջոցառմանը մասնակցելու են տարբեր երկրների առաջատար բժշկական կենտրոնների մասնագետներ, մասնագիտական հասարակական կազմակերպությունների ներկայացուցիչներ:
Համագումարին նախատեսվում են պլենար և մասնագիտական նիստեր, սեմինարներ, սիմպոզիումներ, դասախոսություններ:
Արցախի առողջապահական համակարգի աշխատակիցներն ակտիվ մասնակցել են նախորդ համագումարներին, որոնք եղել են արդյունավետ և ուսանելի:
Այս անգամ ևս կմասնակցեն, բայց հեռավար: Նախարարությունը, համագործակցելով բժշկական հաստատությունների հետ, արել է հնարավորը, որ Արցախի բոլոր շրջանների բուժմիավորումների առաջատար մասնագետները, բուժաշխաատողները ուղիղ կապով կամ տեսագրություններով հետևեն այն աշխատանքներին, որոնք իրականացվում են Երևանում, ինչպես նաև ներկայացնել իրենց կատարած աշխատանքն ու խոսել այն խնդիրների մասին, որոնք այսօր կան ոլորտում:
