07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Թուրքիայում տարեսկզբից 4 և ավելի բալ ուժգնությամբ մինչև 53 հազար երկրաշարժ է տեղի ունեցել
Քաղաքականություն
05.07.2023 | 22:20
Թուրքիայում այս տարվա առաջին կիսամյակում գրանցվել է 4 և ավելի բալ ուժգնությամբ 52,993 երկրաշարժ։ Այս ցնցումների մի մասը եղել է Թուրքիայի Քահրամանմարաշ նահանգում երկու հզոր երկրաշարժերի հետևանքը, Անադոլու գործակալությանը հայտնել է Գազիի համալսարանի ինժեներաշինարարական ֆակուլտետի դասախոս, աղետների կառավարման փորձագետ, դոկտոր Բյուլենթ Օզմենը։
«Երկրաշարժերի տվյալների ուսումնասիրման ժամանակ, որոնք տեղի են ունեցել հունվարի 1-ից հունիսի 30-ը, պարզվել է, որ Թուրքիայում ու նրա հարակից շրջաններում 669 երկրաշարժ է եղել՝ 4-4,9 բալ ուժգնությամբ, 58-ը՝ 5-5,9, երկուսը՝ 7-7,9 բալ, ընդհանուր առմամբ՝ 52,993 երկրաշարժ։ Հունվարին գրանցվել է 3,123 ցնցում, փետրվարին՝ 14,231, մարտին՝ 13,958, ապրիլին՝ 9,172, մայիսին՝ 7,138, հունիսին՝ 5,371»,- ասել է Օզմենը։
Նա նշել է, որ Թուրքիան գտնվում է մոլորակի ամենաակտիվ սեյսմիկ գոտիներից մեկում, այդ պատճառով էլ երկրաշարժերի վտանգը պահպանվում է։
Հավելենք, որ Թուրքիայում փետրվարի 6-ին տեղի ունեցած աղետալի երկրաշարժերի զոհերի թիվը գերազանցում է 50,000-ը։ Թուրքիային հասցված վնասը գնահատվում է ավելի քան 100 մլրդ դոլար։
Էմմա Չոբանյան
