15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Մարդինում պարետային ժամ է հայտարարվել
08.07.2018 | 15:41
Հուլիսի 6-ի առավոտյան Թուրքիայի քրդաբնակ Մարդին նահանգի Նուսայբին և Օմերլի շրջաններում պարետային ժամ է հայտարարվել։ Այդ մասին հայտարարություն է տարածել Մարդինի նահանգապետարանը։
Պատճառը՝ Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) զինյալների դեմ սպասվող ռազմական գործողութjուններն են։
Գործողության ընթացքում նախատեսվում է ոչնչացնել քուրդ զինյալների զինպահեստները և խրամատները։
Նշվում է, որ պարետային ժամը կշարունակվի այնքան ժամանակ, մինչև նահանգապետարանի կողմից հավելյալ ծանուցում արվի։
Հիշեցնենք, որ «Քուրդիստանի բանվորական կուսակցությունը» հիմնադրվել է 1978թ. նոյեմբերի 27-ին, Թուրքիայի Դիարբեքիր նահանգում: Կուսակցության հիմնադիրը Աբդուլլահ Օջալանն է: Նա այժմ ցմահ ազատազրկված է Թուրքիայի Իմրալը կղզու բանտում։ PKK-ն Թուրքիայում համարվում է ահաբեկչական կազմակերպություն:
