02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Հայաստանը, իրոք, պայծառ կետ է ժողովրդավարության իմաստով․ Քրիստինա Քվին
Քաղաքականություն
04.07.2023 | 15:16
Արդյո՞ք հնարավոր է Ստեփանակերտ-Բաքու երկխոսություն կազմակերպե․ ՀՀ-ում ԱՄՆ արտակարգ և լիազոր դեսպան Քրիստինա Քվինը Հանրային հեռուստաընկերության եթերում անդրադառնալով այս հարցին, ընդգծեց․ «ԱՄՆ-ն համարում է, որ ցանկացած քննարկում, բանակցություն և խոսակցություն առաջընթացի ճիշտ ուղին է։ Մնում է օգնել, որպեսզի 2 կողմին մտահոգող հարցերը լիովին ընկալվեն և կարողանան գտնել ապագայի ճանապարհը՝ հասնելու խաղաղ կարգավորման, որի համար երաշխավորված և ապահովված կլինեն ԼՂ-ում ապրողների իրավունքները և անվտանգությունը»։
Հարցին, թե ինչու է ԱՄՆ-ն ինտենսիվ գործում, Քվինն ընդգծեց․ «ԱՄՆ–ն համարում է, որ Հայաստանը` որպես ինքնիշխան պետություն, կարող է որոշել, թե ովքեր են իր դաշնակիցները․․․ Միացյալ Նահանգները ցանկանում է խաղաղություն տեսնել Եվրոպայում և Հարավային Կովկասում։ Մենք պատրաստ ենք խոսել ցանկացած կողմի հետ, որը կարող է դրական տեսլական ներկայացնել տարածաշրջանին խաղաղություն բերելու համար։
ԱՄՆ-ն և Եվրոպական միությունը շատ ակտիվորեն ներգրավված են այդ գործընթացներում, քանի որ տեսնում են, որ Հարավային Կովկասում խաղաղություն և անվտանգություն ունենալը շահեկան է։
Որպես ՀՀ-ում ԱՄՆ դեսպան, կասեմ նաև հետևյալը, ես համարում եմ, որ ԱՄՆ շահն այն է, որ մենք և դուք ընդհանուր ժողովրդավարական արժեքներ ուենք, Հայաստանն, իրոք, պայծառ կետ է ժողովրդավարության իմաստով․․․ ԱՄՆ-ը հավատում է, որ ժողովրդավարական երկրներն են ամենակայունը և կարող են լավագույնս հարաբերվել այլ պետությունների հետ»։
