13.06.2026 | 20:00
Հայաստանի և Միացյալ Թագավորության միջև հարաբերությունները շարունակում են զարգանալ. Փաշինյանը՝ Սթարմերին
Երևանի ավագանու ԵԼՔ խմբակցությունը հանդիպել է Թբիլիսիի քաղաքային խորհրդի հետ
Քաղաքականություն
07.07.2018 | 13:12
Պաշտոնական այցի շրջանակներում հուլիսի 6-ին Երևանի ավագանու ԵԼՔ խմբակցության անդամները հյուրընկալվել են Թբիլիսիի քաղաքային խորհրդում՝ Սակրեբուլոյում։ ԵԼՔ խմբակցության ղեկավար Դավիթ Խաժակյանը, քարտուղար Թեհմինա Վարդանյանը, Քաղաքաշինության և հողօգտագրծման հարցերի մշտական հանձնաժողովի նախագահի տեղակալ Անի Սամսոնյան, անդամներ Անահիտ Բախշյանը, Վիկտոր Ենգիբարյանը, Անի Խաչատրյանը Հարություն Բաբայանը և Նելլի Ղարդյանը հանդիպել են Սակրեբուլոյի նախագահ Գեորգի Տկեմելեձեի, նախագահի տեղակալ Մարիկա Դարչիայի, «Վրացական երազանք» խմբակցության ղեկավար Բեկա Դավիտուլիանիի, Քաղաքային պլանավորման հանձնաժողովի նախագահ Ռևազ Սոխաձեի, խորհրդի անդամներ Լևան Ժորժոլիանիի և Դավիթ Ուտմելիձեի հետ։
Հանդիպմանը ներկա է եղել նաև Վրաստանում ՀՀ դեսպան Ռուբեն Սադոյանը։
Սակրեբուլոյի ներկայացուցիչների հետ քննարկվել են Թբիլիսիի կառավարման ձևի առանձնահատկությունները, խորհրդի հանձնաժողովների գործունեության սկզբունքները, առողջապահական, կրթական և տուրիստական հիմնախնդիրները։ ԵԼՔ խմբակցության անդամներին ներկայացվել է Թբիլիսիում գույքահարկի և աղբի վճարների հավաքագրման մեխանիզմները։ Հատուկ ուշադրության են արժանացել հողօգտագործման, քաղաքաշինական և բնապահպանական հարցերը։ Սակրեբուլոյի նախագահ Գեորգի Տկեմելեձեն խոսել է նաև զարգացող Թբիլիսիի մարտահրավերների մասին։ Երևանի ավագանու ԵԼՔ խմբակցության ղեկավար Դավիթ Խաժակյանը խմբակցության անունից շնորհակալություն է հայտնել Սակրեբուլոյի ներկայացուցիչներին ընդունելության համար և նշել. «Ես հույս ունեմ, որ այս հանդիպումը կդառնա երկկողմանի արդյունավետ համագործակցության սկիզբ և քաղաքային կառավարման փորձի փոխանակման հարթակ։ Ժամանակակից Թբիլիսիի նորարարությունները կարող են լավագույնս կիրառվել նաև Երևանում»։
Ակտիվ և տեղեկատվությամբ հագեցած քննարկումներից հետո ԵԼՔ խմբակցության անդամները Սակրեբուլոյի նախագահի ուղեկցությամբ ճանաչողական շրջայց են կատարել Սակրեբուլոյում։
