07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Անկախ փորձագետները hայտարարում են Թուրքիայում 108% գնաճի մասին
Քաղաքականություն
03.07.2023 | 22:55
Թուրքական անկախ ENAG Inflation Research Group-ը՝ հաստատություն, որը ստեղծվել է 2020 թվականին՝ հետևելու երկրի գնաճին, ոչ պաշտոնական տվյալներ է հրապարակել այն մասին, որ հունիսին Թուրքիայում սպառողական գների տարեկան աճը կազմել է 108,5%, փոխանցում է Duvar-ը։
Այս ինստիտուտը հայտնի է նրանով, որ գնաճի շատ ավելի բարձր հաշվարկներ է ներկայացնում, քան պաշտոնական պնդումներն են:
ENAG-ը նշում է, որ հունիսին Թուրքիայում գները ամսական կտրվածքով աճել են 8,54%-ով: Վեցամսյա գնաճը հունվար-հունիս ամիսներին կազմել է 50,53%:
Թուրքիայի պետական վիճակագրական ինստիտուտը (TÜİK) պաշտոնական թվերը հրապարակելու է հուլիսի 5-ին։
Հավելենք, որ նոր տնտեսական քաղաքականության շրջանակում լիրայի արժեզրկումն ու գնաճը կանխելու համար Կենտրոնական բանկը հունիսի 22-ին 27 ամիս հետո առաջին անգամ հիմնական տոկոսադրույքը բարձրացրել է 6,5 կետով՝ մինչև 15%։
Էմմա Չոբանյան
