15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Հաագայում աշխատանքն է սկսել Ուկրաինա ռուսական ներխուժման հետաքննության միջազգային կենտրոնը
Քաղաքականություն
03.07.2023 | 22:27
Աշխատանքն է սկսել Ուկրաինա ՌԴ-ի ներխուժման հարցով միջազգային հետաքննության կենտրոնը։ Ագրեսիայի հանցագործության դատական հետապնդման միջազգային կենտրոնը (ICPA) ներառում է դատախազների Կիևից, ԵՄ-ից, ԱՄՆ-ից և Միջազգային քրեական դատարանից, գրում է BBC-ի ռուսական ծառայությունը։
«Շնորհիվ ICPA-ի՝ տարբեր երկրների անկախ դատախազները կկարողանան միասին աշխատել ամեն օր մեկ վայրում, արագ և արդյունավետ փոխանակվել ապացույցներով և համաձայնեցնել հետաքննության ընդհանուր ռազմավարությունն ու դատական հետապնդումը»,- ասվում է կենտրոնի մամուլի հաղորդագրության մեջ։
Նշվում է, որ ICPA-ի աշխատանքն արդյունավետորեն կնախապատրաստի և կնպաստի ագրեսիայի հանցագործության ցանկացած հետագա հետապնդմանը։
Լրատվամիջոցը գրում է, որ կենտրոնի աշխատանքը առաջին քայլն է հատուկ տրիբունալի ստեղծման ուղղությամբ, որը կարող է պատասխանատվության ենթարկել ռուս պաշտոնյաներին Ուկրաինայի դեմ պատերազմ սանձազերծելու համար։
Կենտրոնը ստեղծողները նշում են, որ Ուկրաինայի պատերազմը պատմության մեջ ամենափաստաթղթավորվածն է, և առաջին անգամ ագրեսիայի հանցագործության ակտիվ հետաքննություն է իրականացվում արդեն պատերազմի ժամանակ, այլ ոչ թե դրանից հետո։
Մինչ օրս ուկրաինական պատերազմի վերաբերյալ ռուսական իշխանությունների դեմ միջազգային կազմակերպության կողմից առաջադրված միակ մեղադրանքը ՌԴ նախագահ Վլադիմիր Պուտինի և երեխաների իրավունքների պաշտպան Մարիա Լվովա-Բելովայի ձերբակալության օրդերն է։ Այն տրվել է Միջազգային քրեական դատարանի կողմից։
Էմմա Չոբանյան
