06.06.2026 | 19:51
Հայաստանի հավաքականը ոչ-ոքի խաղաց Ղազախստանի հետ, Սպերցյանը գոլ խփեց
250-ից 450 հազար դոլարանոց տոմսեր․ Virgin Galactic-ն իրականացրել է առաջին կոմերցիոն թռիչքը տիեզերք
30.06.2023 | 12:42
Միլիարդատեր Ռիչարդ Բրենսոնին պատկանող Virgin Galactic-ը, որը զբաղվում է տիեզերական զբոսաշրջությամբ, հաջողությամբ ավարտել է իր առաջին կոմերցիոն թռիչքը դեպի տիեզերք, գրում է DW-ի ռուսական ծառայությունը։
Eve փոխադրող ինքնաթիռը մեկնարկել է ԱՄՆ Նյու Մեքսիկո նահանգի տիեզերակայանից՝ կրելով VSS Unity կոսմոպլանը։ 13600 մետր բարձրության վրա VSS Unity-ն անջատվել է փոխադրիչից, միացրել է սեփական շարժիչները և հասել է 85 կմ առավելագույն բարձրության։
Տիեզերանավում եղել է երեք օդաչու սպա Իտալիայից, ինչպես նաև՝ երկու օդաչու և մեկ հրահանգիչ Virgin Galactic-ից: Ամբողջ թռիչքը տևել է մոտ մեկուկես ժամ։ Անձնակազմը մի քանի րոպե անցկացրել է անկշռության մեջ, որից հետո վեադարձել է Երկիր։ Հաջորդ թռիչքը նախատեսված է 2023 թ-ի օգոստոսին, որից հետո ընկերությունը նախատեսում է ամեն ամիս թռիչքներ իրականացնել։
Մոտ 800 մարդ արդեն ձեռք է բերել 250-ից 450 հազար դոլար արժողությամբ տոմսեր։
