18.02.2026 | 23:28
Ստեփանծմինդա-Լարս ավտոճանապարհը փակ է
Եռակողմ հանդիպման արդյունքներով հայտարարություն կտարածվի․ Էնթոնի Բլինքենը խոսել է առաջընթացի մասին
Քաղաքականություն
30.06.2023 | 00:28
ԱՄՆ պետքարտուղար Էնթոնի Բլինքենն, ամփոփելով Հայաստան-Ադրբեջան բանակցությունները, հայտարարել է, որ դրանցում առաջընթաց է գրանցվել։
Նա շնորհակալություն է հայտնել իր հայ ու ադրբեջանցի գործընկերներին, նրանց պատվիրակություններին «կարևոր ու քրտաջան աշխատանքի համար՝ Հայաստանի ու Ադրբեջանի միջև խաղաղության պայմանագրի հասնելու ուղղությամբ»։
Բլինքենը նշել է, որ առաջընթաց է գրանցվել բանակցություններում, սակայն դեռ վերջնական համաձայնության հասնելու շատ աշխատանք կա։
«Ինչպես ասվում է հայտարարության մեջ, որը շուտով կհրապարակվի՝ բանակցությունները շարունակվում են՝ համաձայնագրում ներառելով որոշ լրացուցիչ կետեր, ինչպես նաև համաձայնեցնել դիրքորոշումները մնացած չլուծված հարցերի շուրջ։ Շատ քրտաջան աշխատանք կա անելու վերջնական համաձայնությանը հասնելու համար։ Բանակցությունները կշարունակվեն վերջնական համաձայնության հասնելու համար»,-ասել է Բլինքենը։
ԱՄՆ պետքարտուղարը նշել է, որ հաջորդ հանդիպումը սպասվում է մի քանի շաբաթից ԵՄ մասնակցությամբ։ «Մենք անհամբերությամբ սպասում ենք գործընթացը շարունակելուն առաջիկա շաբաթներին»,- ասել է Էնթոնի Բլինքենը։
Էմմա Չոբանյան
