14.10.2026 | 12:10
Փաշինյանը խաղաղության մասին իր պատկերացումն է ներկայացրել // Սիբիհան Միրզոյանին Ուկրաինա է հրավիրել․ ԼՈՒՐԵՐ
«Սևան ազգային պարկ»-ի անվտանգության 3 աշխատակիցներ կրծքավանդակի մասերում կտրած-ծակած վերքեր ախտորոշմամբ տեղափոխվել են հիվանդանոց. shamshyan.com
06.07.2018 | 18:34
Այսօր՝ հուլիսի 6-ին, արտակարգ դեպք է տեղի ունեցել Գեղարքունիքի մարզում: Ժամը 01:20-ի սահմաններում Սևանի բժշկական կենտրոնից ոստիկանության Սևանի բաժին ահազանգ է ստացվել, որ մարմնական վնասվածքներով իրենց մոտ է տեղափոխվել 3 քաղաքացի:
Ինչպես հայտնում է shamshyan.com-ը, ոստիկանները պարզել են, որ տեղափոխվածներն են 23-ամյա Դավիթ Դավթյանը («կրծքավանդակի հետին պատի կտրած-ծակած վերքեր» ախտորոշմամբ), 22-ամյա Արմեն Հակոբյանը («կրծքավանդակի ձախ մասի կտրած-ծակած վերքեր» ախտորոշմամբ) և 22-ամյա Գուրգեն Համբարձումյանը («դեմքի քերծված վերքեր, վերքային արյունահոսություն, քթի սալջարդ, քթի կոտրվածք հարցականով» ախտորոշմամբ):
Բոլոր վիրավորները «Սևան ազգային պարկ» պետական ոչ առևտրային կազմակերպության անվտանգության աշխատակիցներ են:
