14.08.2026 | 14:35
«Ղազարյանը Սրբխեչի ուլ չի, որ մորթենք»,«ԱԺ նիստերի դահլիճը զոհասեղա՞ն է»․ վեճ ԱԺ-ում. ՏԵՍԱՆՅՈՒԹ
Ահաբեկումներն անընդունելի են, ՀՀ-ում առաքելությունը կշարունակի դիտարկումները․ ԵՄ-ի արձագանքը Բաքվի սպառնալիքներին
Քաղաքականություն
29.06.2023 | 15:21
ԵՄ-ն արձագանքել է Հայաստանում տեղակայված միության քաղաքացիական առաքելությանն ուղղված Բաքվից հնչող սպառնալիքներին։
«Սպառնալիքներն ու ահաբեկումներն անընդունելի են։ Հայաստանում ԵՄ դիտորդական առաքելությունը կշարունակի չեզոք դիտարկումները և կզեկուցի՝ Հայաստանի սահմանամերձ շրջաններում կայունությանը նպաստելու և Հայաստանի ու Ադրբեջանի միջև հարաբերությունների կարգավորման ջանքերին նպաստող միջավայր ապահովելու նպատակով»,- թվիթերյան իր էջում գրել է ԵՄ արտաքին հարաբերությունների և անվտանգության քաղաքականության ծառայության խոսնակ Նաբիլա Մասրալին։
Հիշեցնենք, որ Բելգիայում և Լյուսեմբուրգում Ադրբեջանի դեսպան, ինչպես նաև ԵՄ-ում ադրբեջանական պատվիրակության ղեկավար Վագիֆ Սադիգովն օրերս սպառնացել էր Հայաստան այցելած և Հակարիի կամրջի մոտ՝ Լաչինի միջանցքի հարևանությամբ ԵՄ առաքելության անդամների հետ պարեկություն իրականացրած Եվրախորհրդարանի պատգամավորներին։
Էմմա Չոբանյան
