24.10.2026 | 19:14
Վթար Արենի բնակավայրի մոտ. փրկարարները հատուկ տեխնիկայի միջոցով վարորդին դուրս են բերել ավտոմեքենայից
Ղեկավարելու եմ ՔՊ-ի նախընտրական շտաբը Երևանի ընտրություններում. Արմեն Փամբուխչյան․ ՏԵՍԱՆՅՈՒԹ
Քաղաքականություն
29.06.2023 | 13:29
«Առաջիկայում սպասվում են Երևանի ավագանու ընտրություններ, և ինձ վստահվել է ղեկավարել նախընտրական շտաբը։ Դա նույնպես բարձր վստահություն է, որովհետև Երևանի ընտրություններն ունեն կարևորություն, և ես, լինելով ՔՊ վարչության անդամ, պետք է ղեկավարեմ այդ շտաբը»,- Կառավարության նիստից լրագրողների հետ զրույցում նշեց Փամբուխչյանը` անդրադառնալով դիտարկմանը, որ որպես նախարար այսօր վերջին անգամ էր մասնակցում գործադիր մարմնի նիստին։
Դիտարկմանը՝ գործազուրկ մնացիք, Փամբուխչյան ժպիտով արձագանեց. «Վաղվանից»։
Թե ինչով պետք է զբաղվի ավագանու ընտրություններից հետո, Փամբուխչյանը նշեց, որ ինքն էլ չգիտի։
«Որևէ քննարկում չկա ներկա պահին։ Կա քաղաքական որոշում, որպեսզի ղեկավարեմ նախընտրական շտաբը, և ես վաղվանից պետք է սկսեմ նախապատրաստական աշխատանքները»։
Հիշեցնենք` Երևանի ավագանու ընտրությունները տեղի կունենան սեպտեմբերի 17-ին: «Քաղաքացիական պայմանագիր» կուսակցության քաղաքապետի թեկնածուն նախկին փոխվարչապետ, այժմ Երևանի փոխքաղաքապետ Տիգրան Ավինյանն է:
Մանրամասները՝ տեսանյութում։
