14.08.2026 | 14:35
«Ղազարյանը Սրբխեչի ուլ չի, որ մորթենք»,«ԱԺ նիստերի դահլիճը զոհասեղա՞ն է»․ վեճ ԱԺ-ում. ՏԵՍԱՆՅՈՒԹ
Ուկրաինայի ԶՈւ-ն առաջ է շարժվում երկրի հարավում և արևելքում․ Մալյար
Քաղաքականություն
29.06.2023 | 14:46
Ուկրաինայի պաշտպանության փոխնախարար Աննա Մալյարը հայտնել է, որ Ուկրաինայի ԶՈՒ-ն շարունակում է հարձակողական գործողությունները Մելիտոպոլի, Բերդյանսկի ու Բախմուտի ուղղություններում և «հաջողություններ ունի»։
Նրա խոսքով՝ Բերդյանսկի ուղղությամբ Ուկրաինայի զինված ուժերն առաջ են շարժվել 1300 մետրով։
Արևելքում՝ Բախմուտի ուղղությամբ, ուկրաինացի զինվորականներն իրենց ձեռքն են վերցրել նախաձեռնությունը, այնտեղ «կրկին թեժ է, կատաղի մարտերը շարունակվում են», գրել է Մալյարն իր Տելեգրամ-ալիքում։
Ըստ նրա՝ «կռիվը շարունակվում է քաղաքի արվարձաններում», և ուկրաինացի զինվորականներն այժմ «ամրացնում են իրենց դիրքերն ազատագրված գծերում»։ Մալյարը նաև նշել է, որ Ուկրաինայի ԶՈւ-ն Կլիշչիևկայի ուղղությամբ առաջացել է 1200 մետր, իսկ Կուրդյումովկայի ուղղությամբ՝ 1500 մետր։
Ռուս զինվորականները շարունակում են հարձակումը Լիմանի, Ավդեևկայի և Մարիինյան ուղղություններով, սակայն, ըստ ուկրաինացի պաշտոնյայի, ապարդյուն։
