07.10.2026 | 23:48
Արթուր Դանիելյանը կալանավորվեց
«Տիտան» բատիսկաֆի բեկորների հետ միասին, ենթադրաբար, մարդկային մասունքներ են հայտնաբերվել
Քաղաքականություն
29.06.2023 | 15:10
Ատլանտյան օվկիանոսի հատակից «Տիտան» բատիսկաֆի բեկորների հետ միասին բարձրացվել են, ենթադրաբար, դրա կործանման ժամանակ զոհվածների աճյունները։ Այս մասին հայտնում է ԱՄՆ առափնյա պահպանության ծառայությունը, փոխանցում է Euronews-ը։
Նշվում է, որ նախօրեին դրանք հասցվել են կանադական Սենթ Ջոնսի նավահանգիստ։ Ծովային աշխատանքներն արդեն ավարտվել են։
Հաղորդվում է, որ բատիսկաֆի կորպուսի, հետնամասի հատվածների մասերը բարձրացվել են ծովի հատակից։
Սուզանավը հունիսի 18-ին մեկնել էր «Տիտանիկ» խորտակված նավի մոտ արշավի, որից հետո նրա հետ կապը կորել էր։ Հունիսի 22-ին հայտարարվել էր, որ բատիսկաֆում գտնվող բոլոր 5 մարդիկ համարվում են մահացած։ Բատիսկաֆում եղել են բրիտանացի միլիարդատեր Համիշ Հարդինգը, պակիստանցի գործարար Շահզադա Դաուդը և նրա 19-ամյա որդին՝ Սուլմանը, ֆրանսիացի հետախույզ Պոլ-Անրի Նարջոլեն և Ստոկթոն Ռաշը՝ OceanGate-ի հիմնադիրը, որը կազմակերպել էր ճամփորդությունը և որին պատկանում էր սուզանավը։
Հաջորդ օրն արդեն «Տիտանի» բեկորները հայտնաբերվել էին։ Նախնական տվյալներով՝ դրա կորպուսը չի կարողացել դիմակայել օվկիանոսի խորքում ճնշմանը։
Էմմա Չոբանյան
