24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ժամանակացույցում որևէ փոփոխություն չկա․ ԱՄՆ Պետդեպը` Հայաստան-Ադրբեջան հանդիպման մասին
Քաղաքականություն
29.06.2023 | 13:13
ԱՄՆ Պետքարտուղության փոխխոսնակ Վեդանտ Պատելը նախօրեի ճեպազրույցում անդրադարձել է նաև Միացյալ Նահանգներում ընթացող Հայաստան-Ադրբեջան բանակցություններին։
Պատասխանելով հարցին՝ արդյո՞ք բանակցությունները կասեցված են, թե շարունակվում են նախատեսվածի պես, քանի որ ադրբեջանական հարվածի հետևանքով 4 զինծառայող է զոհվել ԼՂ-ում, Պատելն ասել է, որ փոփոխություններ չկան։
«Մենք խորապես անհանգստացած ենք Լեռնային Ղարաբաղում մարդկային կորուստներով և մեր ցավակցությունն ենք հայտնում բոլոր սպանվածների ընտանիքներին: Այս վերջին միջադեպերն ընդգծում են ռազմական գործողություններից զերծ մնալու և տևական ու արժանապատիվ խաղաղության հաստատման անհրաժեշտությունը։ ԱՄՆ-ն հանձնառու է աջակցել կողմերին այս նպատակին հասնելու հարցում, և պետքարտուղար Բլինքենն անմիջականորեն ներգրավված է խաղաղության գործընթացում: Ուղղակի երկխոսությունը առանցքային է խնդիրների լուծման և տևական ու արժանապատիվ խաղաղության հասնելու համար։ Արտգործնախարարների հետ երեկվա հանդիպումները կառուցողական էին, և մենք շարունակում ենք զարգացնել այդ քննարկումների այսօր և վաղը, քանի դեռ խաղաղ բանակցությունները շարունակվում են։ Այսպիսով՝ ժամանակացույցում փոփոխություն չկա»,- ասել է Պատելը։
Անդրադառնալով հարցին, արդյո՞ք երկու երկրների ԱԳ նախարարները կենտրոնացած են բանակցություններում լարվածության ֆոնին, Պետդեպի փոխխոսնակն ասել է․ «Ես նրանց խոսնակը չեմ, ուստի՝ ընդհանրապես տեղին չի լինի, որ բնութագրեմ։ Ինչ ես կարող եմ ասել, այն է, որ պետքարտուղարն ուղղակիորեն ներգրավված կլինի և շարունակում է անմիջականորեն ներգրավված լինել այս գործընթացում, ինչպես մեր թիմի մյուս անդամները, այդ թվում՝ կովկասյան բանակցությունների գծով մեր ավագ խորհրդական Լուիս Բոնոն»։
Պատելը նշել է, որ Բոնոն շարունակում է մնալ գագաթնաժողովի վայրում և անմիջականորեն ներգրավված լինել քննարկումներում:
