18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Թուրքիան և Շվեդիան հաջորդ շաբաթ ՆԱՏՕ-ին անդամակցության շուրջ բանակցություններ կանցկացնեն
Քաղաքականություն
28.06.2023 | 20:21
Թուրքիայի և Շվեդիայի բարձրաստիճան դիվանագետները հաջորդ հինգշաբթի կհանդիպեն ՆԱՏՕ-ի կենտրոնակայանում՝ Ստոկհոլմի՝ դաշինքին միանալու հայտի շուրջ բանակցությունների համար։ Այս մասին հաղորդում է Agence France-Presse-ը, որին վկայակոչում է Turkish Minute-ը։
«Ժամանակն է Շվեդիային ողջունել որպես ՆԱՏՕ-ի լիիրավ անդամ»,- ասել է ՆԱՏՕ-ի գլխավոր քարտուղար Յենս Ստոլտենբերգը։
ՆԱՏՕ-ի գործընկերները Թուրքիային մղում են կանաչ լույս տալ Շվեդիային մինչև հուլիսի 11-12-ը Լիտվայում կայանալիք գագաթնաժողովը, սակայն Անկարան դեռևս դիմադրում է։
Ավելի վաղ Ստոլտենբերգն ասել էր, որ բանակցություններին մասնակցելու են Թուրքիայի, Շվեդիայի և Ֆինլանդիայի արտաքին գործերի նախարարներն ու հետախուզության խորհրդականները։
Հավելենք, որ Ֆինլանդիան արդեն իսկ ՆԱՏՕ-ի անդամ է։ Դաշինքի անդամներ Թուրքիան և Հունգարիան դեռևս չեն շտապում վավերացրել Շվեդիայի անդամակցության հայտը։
Էմմա Չոբանյան
