14.08.2026 | 16:44
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ներկայացրել ՀՀ ՔԿ
Հռոմի պապի բանագնացը ժամանել է Մոսկվա
Քաղաքականություն
28.06.2023 | 17:00
Հռոմի պապի բանագնաց կարդինալ Մատեո Ձուպպին ժամանել է Մոսկվա։ Այս մասին հայտնել է ՌԴ մայրաքաղաքում գտնվող Հռոմի կաթոլիկ Աստվածածնի արքեպիսկոպոսությունը։
«Ուկրաինական կարգավորման հարցով պապական բանագնաց, իտալացի եպիսկոպոսների համաժողովի ղեկավար, կարդինալ Մատեո Ձուպին չորեքշաբթի Մոսկվայում կսկսի իր առաքելության երկրորդ փուլը»,- ասվում է հաղորդագրության մեջ։
Նշվել է, որ այցի հիմնական նպատակը կլինի «խրախուսել մարդասիրության ժեստերը, որոնք կարող են նպաստել առկա ողբերգական իրավիճակի լուծման և արդար խաղաղության հասնելու ուղիների որոնմանը»։
Այսօր Ջուպպին կհանդիպի արքեպիսկոպոս Պավել Պեցզիի հետ, իսկ հունիսի 29-ին՝ Պետրոս և Պողոս առաքյալների տոնին, տեղական ժամանակով 19:00-ին Ջուպպին Մոսկվայի Մայր տաճարում կմասնակցի պատարագի։
Ինչ վերաբերում է պետական շփումներին, ենթադրվում է, որ Վատիկանի դեսպանի հետ կարող է զրուցել ՌԴ նախագահի աշխատակազմի ներկայացուցիչը։
Ավելի վաղ Կրեմլի խոսնակ Դմիտրի Պեսկովը հայտնել էր, որ ՌԴ նախագահ Վլադիմիր Պուտինը դեռևս չի նախատեսում հանդիպել կարդինալ Ջուպիի հետ։
Տաթև Ֆռանգյան
