08.10.2026 | 13:00
Բենզինի պահեստում պայթյունի ժամանակ զոհվածներից 70-ը եղել են ԱԱԾ, ՆԳՆ աշխատակիցներ և ՊՆ ծառայողներ․ ՏԵՍԱՆՅՈՒԹ
Ֆրանսիայում անկարգություններ են սկսվել ոստիկանի կողմից 17-ամյա տղայի սպանության պատճառով
Քաղաքականություն
28.06.2023 | 15:40
Փարիզի արևմուտքում՝ Օ դը Սեն դեպարտամենտում ոստիկանների կողմից դեռահասի սպանությունից հետո տեղի ունեցած անկարգությունների հետևանքով 20 ոստիկաններ թեթև վնասվածքներ են ստացել, հաղորդում է ֆրանսիական BFMTV-ն։
Երեքշաբթի առավոտյան ոստիկանության աշխատակիցները Փարիզի արևմուտքում գտնվող Նանտեր արվարձանում ճանապարհային պարեկության ժամանակ կրակել և սպանել են 17-ամյա մի տղայի, որը, ըստ ոստիկանության, հրաժարվել է կատարել իրավապահների պահանջները: Արդյունքում քաղաքում անկարգություններ են սկսվել։
«Նանտերում անկարգություններ են սկսվել, սակայն գիշերվա ընթացքում դրանք տարածվել են Օ դը Սենի այլ մունիցիպալիտետներում։ Ոստիկանության միջամտության ժամանակ 20 ժանդարմներ թեթև վնասվածքներ են ստացել»,- հայտնում է հեռուստաալիքը։
Նշվում է, որ անկարգությունների ժամանակ ոչնչացվել է մոտ 25 մեքենա, հրդեհվել են վարչական մի շարք շենքեր, ջարդվել են ոստիկանության և հրշեջ ծառայության մեքենաներ, իսկ փողոցներում աղբարկղերից պատնեշներ են հայտնվել։
Միջադեպն ինքնաբուխ անկարգություններ է առաջացրել Ֆրանսիայի այլ քաղաքներում ևս։ Ցուցարարները հրկիզել են աղբամաններ, շինանյութ, կոտրլել ցուցափեղկերն ու կանգառները: Ոստիկանության հետ բախումներ են գրանցվել։
Բողոքի ցույցեր են անցկացվել Փարիզում և Նանտերում, Փարիզի Բուլոն-Բիլանկուր և Օնետ-սուս-Բուա արվարձաններում, Սուրեսնես, Ասնյեր-սյուր-Սեն, Ժենեվիլիե, Լա Գարեն-Կոլոմբ և Վիլնև քաղաքներում։ Ցուցարարներն այրել են նաև Մանտեսի քաղաքապետարանը։
Ոստիկանության տվյալներով՝ բերման է ենթարկվել 24 մարդ։
Տաթև Ֆռանգյան
