14.08.2026 | 16:44
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ներկայացրել ՀՀ ՔԿ
Պրիգոժինի ինքնաթիռները Մինսկից վերադարձել են Ռուսաստան
Քաղաքականություն
28.06.2023 | 14:41
«Վագների» հիմնադիր Եվգենի Պրիգոժինի ինքնաթիռները երեքշաբթի ուշ երեկոյան օդ են բարձրացել Մինսկի մերձակայքում գտնվող Մաչուլիշչի ռազմական օդանավակայանից և մեկնել Ռուսաստան․ մեկը՝ Մոսկվա, մյուսը՝ Սանկտ Պետերբուրգի մարզ, գրում է BBC-ի ռուսական ծառայությունը։
Ըստ Flightradar24 կայքի, որը հետևում է ինքնաթիռների շարժին, տեղական ժամանակով կեսգիշերից մի քանի րոպե առաջ Պրիգոժինի Embraer Legacy 600 բիզնես-ջեթը (գրանցման համարը՝ RA-02795) արդեն եղել է Մոսկվայի մոտ՝ Շերեմետևո օդանավակայանի տարածքում։
Պրիգոժինի երկու ինքնաթիռների՝ Մաչուլիշչիից մեկնելու մասին ավելի վաղ հայտնել էր բելառուսական «Բելառուսկի Գայուն» մոնիթորինգային նախագիծը։
Թե ով և ինչ է եղել ինքնաթիռներում, հայտնի չէ։
Տաթև Ֆռանգյան
