08.10.2026 | 12:51
ՌԴ երկաթուղու ղեկավարը մյուս շաբաթ կժամանի Հայաստան, քննարկում ենք ունենալու. Փաշինյան․ ՏԵՍԱՆՅՈՒԹ
ՌԴ-ն ավիահարվածներ է հասցրել Ուկրաինային․ Կրամատորսկում հրթիռակոծությունն 9 մարդու կյանք է խլել
Քաղաքականություն
28.06.2023 | 13:40
Հունիսի 28-ի գիշերը Ռուսաստանը հարվածներ է հասցրել Ուկրաինայի տարածքին՝ կիրառելով 5 «X-22» թևավոր հրթիռ և 2 «С-300» կառավարվող զենիթային հրթիռ։ Այս մասին այսօր առավոտյան հայտնել է Ուկրաինայի Զինված ուժերի գլխավոր շտաբը։
Ուկրաինայի ԶՈՒ Գլխավոր շտաբի տվյալներով՝ X-22 հրթիռները հարվածել են Պոլտավայի մարզի Կրեմենչուգ և Զապորոժիեի շրջանների ամառանոցային կոոպերատիվներին։ C-300 հրթիռները հարվածել են Կրամատորսկի կենտրոնում գտնվող սննդի օբյեկտին և Դոնեցկի մարզի Բելենկոյե գյուղի մասնավոր հատվածին, ասվում է հաղորդագրության մեջ։
Կրամատորսկի քաղաքապետ Ալեքսանդր Գոնչարենկոն հայտնել է, որ հունիսի 27-ի երեկոյան Կրամատորսկի վրա ռուսական հրթիռային հարձակման հետևանքով զոհերի թիվը հասել է 9-ի, այդ թվում՝ երեք երեխա, 60 մարդ վիրավորվել է, գրում է BBC-ի ռուսական ծառայությունը։
Նրա խոսքով՝ փլատակների տակից դուրս են բերել տղայի դի։
Այսօր առավոտյան ժամը 7-ին Ուկրաինայի Արտակարգ իրավիճակների պետական ծառայությունը հայտնել է, որ ավերված ռեստորանի փլատակների տակից դուրս է բերվել 8 մարդու դի, այդ թվում՝ երեք անչափահաս աղջիկների՝ 17 տարեկան և երկու քույրերի՝ 14 տարեկան։
Փրկարարները շարունակում են փլատակների մաքրումն ու մարդկանց որոնումները։
