14.12.2025 | 11:41
Ապարանի համայնքապետարանը՝ քամու պատճառած վնասների մասին
Ռոսգվարդիան ծանր զինատեսակներ և տանկեր կստանա
Քաղաքականություն
27.06.2023 | 20:23
Ռոսգվարդիան տանկեր և ծանր սպառազինություն կստանա։ Այս մասին հայտնել է գերատեսչության տնօրեն Վիկտոր Զոլոտովը, փոխանցում է DW-ի ռուսական ծառայությունը։
«Այդ հարցը հիմա շատ սուր է, մենք տանկեր և այլ ծանր զինատեսակներ չունենք, մենք դա կմտցնենք զորքեր»,- ասել է նա՝ հավելելով, որ հարցն արդեն քննարկվել է ՌԴ նախագահ Վլադիմիր Պուտինի հետ։
Զոլոտովի խոսքով՝ վերազինման ժամկետները կախված կլինեն ֆինանսավորումից։
Մեկնաբանելով Եվգենի Պրիգոժինի ապստամբությունը՝ Զոլոտովն ասել է, որ «Վագներ» ռազմականացված խմբավորման շարասյունն արագորեն շարժվում էր Ռուսաստանով, քանի որ նրանց գործողությունները հետ մղելու հիմնական ուժերը կենտրոնացած էին Մոսկվայի մերձակայքում։
«Մենք մեր բոլոր ուժերը կենտրոնացրել էինք հենց Մոսկվայի մատույցներում, քանի որ եթե խմբերը ցրեինք, նրանք պարզապես կանցնեին, ինչպես դանակը կարագի միջով: Բռունցքը կենտրոնացել էր՝ հակահարված տալու համար»,- ասել է Զոլոտովը։
Ռոսգվարդիայի ղեկավարն ապստամբության ժամանակ իրավապահ մարմինների աշխատանքը «հոյակապ» է անվանել։
Տաթև Ֆռանգյան
