26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Վոլոդինը պահանջել է պարզել, թե պաշտոնյաներից ովքեր են լքել երկիրը Պրիգոժինի ապստամբության ժամանակ
Քաղաքականություն
27.06.2023 | 16:56
ՌԴ Պետդումայի նախագահ Վյաչեսլավ Վոլոդինն Անվտանգության հաձնաժողովի ղեկավարին հորդորել է պարզել, թե պաշտոնյաներից և քաղաքացիական ծառայողներից ովքեր են փորձել լքել երկիրը Եվգենի Պրիգոժինի ապստամբության ժամանակ, գրում է RTVI-ը։
«Մենք դատապարտում ենք նրանց, ովքեր ծանր պահին լքել են Ռուսաստանը։ Դա պետք է պատժվի։ Անվտանգության կոմիտեի ներկայացուցիչներին խնդրել ենք վերլուծել, թե ովքեր են փորձել հեռանալ Ռուսաստանից։ Սա դավաճանություն է: Մենք պետք է իրերն իրենց անուններով կոչենք: Սա հատկապես վերաբերում է նրանց, ովքեր զբաղեցնում են պետական պաշտոններ, աշխատում են կորպորացիաներում»,- ասել է Պետդումայի նախագահը։
Վերահսկիչ հանձնաժողովի նախագահի առաջին տեղակալ, Մոսկվայի քաղաքապետի թեկնածու Դմիտրի Գուսևն էլ դիմել է «Ռոսավիացիա»-ին՝ առաջարկելով հրապարակել պաշտոնյաների և գործարարների ցուցակները, որոնք լքել են երկիրը հունիսի 24-ին։
Հիշեցնենք, որ «Վագներ» մասնավոր ռազմական ընկերության զինյալները ղեկավար Եվգենի Պրիգոժինի գլխավորությամբ ապստամբություն էին սկսել և հունիսի 24-ի գիշերը մտել Դոնի Ռոստով, այնուհետև շարժվել դեպի Մոսկվա, բայց չէին հասել մայրաքաղաք։ Հունիսի 24-ի երեկոյան Պրիգոժինը հայտարարել էր, որ Բելառուսի նախագահ Ալեքսանդր Լուկաշենկոյի հետ բանակցություններից հետո «հետ են դարձնում իրենց շարասյուները» և «հեռանում են դաշտային ճամբարներ՝ պլանի համաձայն»։
Էմմա Չոբանյան
