06.06.2026 | 16:37
Անձրև և ամպրոպ. առաջիկա օրերի եղանակի կանխատեսումը
Պատերազմի սկզբից ի վեր ՌԴ-ն օկուպացված տարածքներում խաղաղ բնակչության շրջանում ավելի քան 70 արտադատական մահապատիժ է իրականացրել․ ՄԱԿ
Քաղաքականություն
27.06.2023 | 22:18
Պատերազմի սկզբից ի վեր Ռուսաստանն արտադատական մահապատիժ է իրականացրել Ուկրաինայի օկուպացված տարածքներում անազատության մեջ գտնվող ավելի քան 70 քաղաքացիական անձանց նկատմամբ, ասվում է ՄԱԿ-ի զեկույցում, որը վերնագրված է «Քաղաքացիական անձանց կալանավորումը Ուկրաինայի դեմ Ռուսաստանի Դաշնության զինված հարձակման համատեքստում»:
Ուսումնասիրությունն ընդգրկում է 2022 թվականի փետրվարի 24-ից մինչև 2023-ի մայիսի 23-ն ընկած ժամանակահատվածը: Ընդհանուր առմամբ, այս ընթացքում ՄԱԿ-ի դիտորդական առաքելությունը կարողացել է հաստատել ավելի քան 800 մարդու կամայական ձերբակալությունները։
«Մենք փաստագրել ենք, ընդհանուր առմամբ, 77 քաղաքացիական անձանց մահապատիժը, որոնք կամայականորեն ձերբակալվել են Ռուսաստանի Դաշնության կողմից»,- Ժնևում տեղի ունեցած ճեպազրույցում ասել է Ուկրաինայում ՄԱԿ-ի մարդու իրավունքների առաքելության ղեկավար Մաթիլդա Բոգները:
Ըստ զեկույցի հեղինակների՝ խոսքը 72 տղամարդու և հինգ կնոջ մասին է։ Զեկույցի համաձայն՝ առնվազն ևս մեկ կալանավոր մահացել է «խոշտանգումների, կալանքի անմարդկային պայմանների և/կամ անհրաժեշտ բժշկական օգնությունից հրաժարվելու հետևանքով»։
Զեկույցում նշվում է նաև, որ Ուկրաինան ևս խախտել է միջազգային իրավունքը՝ կամայականորեն կալանավորելով խաղաղ բնակիչներին, բայց շատ ավելի փոքր մասշտաբով։
