07.10.2026 | 23:48
Արթուր Դանիելյանը կալանավորվեց
Պուտինը ուղերձով դիմել է «զինվորականներին, որոնք օգնել են դադարեցնել ապստամբությունը»
Քաղաքականություն
27.06.2023 | 15:46
ՌԴ նախագահ Վլադիմիր Պուտինը ելույթ է ունեցել զինվորականների և իրավապահների առջև, ովքեր «օգնել են դադարեցնել զինված ապստամբությունը», հայտնում է ՏԱՍՍ-ը։
Գործակալության տվյալներով՝ Պուտինի հետ հանդիպմանը մասնակցել են ավելի քան 2,5 հազար զինվորականներ, իրավապահ մարմինների և այլ ուժային կառույցների ներկայացուցիչներ։
Պուտինը հայտարարել է, որ Ռուսաստանի զինված ուժերին հաջողվել է գործնականում կասեցնել քաղաքացիական պատերազմը։
«Դժվար պահերին իսկական պաշտպանները կանգնեցին անկարգությունների ճանապարհին, որի արդյունքը կլիներ քաոսը: Դուք իրականում դադարեցրիք քաղաքացիական պատերազմը, գործեցիք հստակ և ներդաշնակ»,- ՌԻԱ Նովոստին մեջբերում է Պուտինի խոսքերը։
Նա նշել է, որ այդ ընթացքում «հատուկ գործողության գոտում» ներգրավված մարտական ստորաբաժանումներին ստիպված չեն եղել հեռացնել իրենց դիրքերից։
